Hvað ertu eiginlega að borða?

Eftir að ég hætti að borða hveiti og sykur fæ ég iðulega spurninguna "Hvað ertu eiginlega að borða?" og "Ertu ekki alltaf svöng?"

Svarið er að ég hef nóg um að velja í matarræði, borða góðan mat og er ekki svöng!!

Hvað er ég að borða?

Morgunmatur:

Chia grautur með kókosmjöli, ávöxtum, berjum, möndlum, fer eftir skapi..
Soðin egg og ávaxtasafi eða kaffi
Bananalummur (1 stappaður banani, 1 egg hrært saman og steikt á pönnu, kryddað með kanil)
Hafragraut (lífrænir tröllahafrar) með rúsínum og döðlum eða mangó og trönuberjum
Glútenlaust hrökkkex með smurkavíar og eggjum eða hnetusmjöri og banönum
Ávexti

Hádegismatur:

Fiskur eldaðan á ýmsan máta með sætum kartöflum eða hýðishrísgrjónum og salati
Salat með eggjum (allskonar blöndur, kál, tómatar, gúrkur, paprika, brokkolí, kasjúhnetur, púrrlauk etc.)
Sushi (spari, hrísgrjónin eru kolvetnarík)
Grænmetisbuff með rótargrænmeti
Zucchini og sveppaklattar með rótargrænmeti og salati

Ég borða salat með öllum mat, amk. 50% af disknum er grænmeti

Kaffitími:

Banani, epli, appelsínu, prótíndrykk, smoothie, boozt, hnetur, orkustöng

Kvöldmatur:

Fiskur eldaðan á ýmsan máta með sætum kartöflum eða hýðishrísgrjónum og salati
Lambakjöt með sætkartöflufrönskum og sósu
Ommeletta með því sem til er í ísskápnum, sveppum, hvílauk, parmesan osti ofl. Salat með.
Edamamebaunir með chilli og sjávarsalti
Tælenskir og indverskir grænmetisréttir með allskonar góðum kryddum og sósum gerðum frá grunni
Súpur, mexíkósk sterk, grænmetissúpur, fiskisúpa, humarsúpa ofl..
Glútenlausar núðlur (Sobu, hrísgrjóna) með tígrisrækjum, smokkfisk og grænmeti (sjá uppskrift í fyrri færslu)
Sushi til hátíðabrigða ofl. sem mér dettur í hug. Google er vinur minn ;)

Kvöldnasl:

Ég nasla ekki lengur á kvöldin, fæ mér ískalt vatn.

Um helgar kanski popp, á nammidegi kanski eitthvað gott.

Það er ekki erfitt að forðast sykur, hveiti og unnar matvörur.
Þetta er allt mun auðveldara en fólk heldur og það tekur ekki langan tíma að venja sig af slæmum venjum og bæta góðum við í staðinn.

Fyrir utan að reyna velja lífrænt þá borða ég heldur ekkert verksmiðjualið kjöt eins og kjúkling, svín og naut.
Dýravelferð og náttúruvernd stendur mér nærri og ég er ekkert "heilög" eða "öfgafull" fyrir það, mér finnst þetta bara einfaldlega "common sense" og vona að sem flestir hugsi sig um hvað það er að borða, er það gott fyrir þig? Er það gott fyrir aðra? Var farið illa með dýr við gerð þessa matar? Eru eiturefni í matnum þínum?

Namaste 

Dagur 23 and still going strong ;)

Ok ég ætlaði mér of mikið að blogga daglega og halda dagbók, so sorrí..

Star Wars Hamingju boltarnir í myndbandinu hér munu bæta það upp!

Hvaða undur og stórmerki hafa gerst? 

Ég hef ekki fengið höfuðverk í 23 daga!!!

Ég hef haldið mig algjörlega frá hveiti og sykri 6 daga vikunnar nema síðustu helgi sem ég tók 2 daga "sukk".

Mér líður MIKLU betur, ég fékk höfuðverki eða þyngli yfir höfuðið 1-3 sinnum í viku, mígrenikast 1-2 í mánuði og ég hef ekkert fengið núna. 

Mér finnst það ótrúlegt og lífgæði mín eru verulega bætt bara við það.

4 kg og Vatnsdrykkja!

Vigtin segir að ég hafi misst 4 kg, en ég held hún sé rangstillt, sé ekki það mikinn mun á fötunum mínum. Ég er ekkert svengri en vanalega, ég narta ekki á kvöldin því ég er bara södd eftir kvöldmatinn og ég drekk mun meira vatn en áður. Ég er ekki hætt að drekka kaffi en næsta skref er að minnka kaffidrykkju ásamt því að ég er að minnka mjólkurvörur verulega.

Þetta er svo miklu minna mál en ég hélt.

Ég finn ekki svakalegan mun á orkunni fyrir utan þá að höfuðverkirnir rotuðu mig alveg áður, ég er dauðþreytt á kvöldin eins og áður enda í fullri vinnu, með börn, að reyna finna tíma til að hreyfa mig amk. 3 í viku og á endalausum fundum og bréfaskriftum vegna hátíðar sem ég er að skipuleggja.

Já svo er ég alltaf með harðsperrur, sem er gott, ef ég er ekki með harðsperrur þá veit ég að það er tími til kominn að fara á æfingu, og er ánægð í Reebok, fullt af skemmtilegum tímum.

Svo er húðin mín líka betri, engar bólur, frísklegri og þéttari. (vatnsdrykkjan og EGF húðdroparnir)

Djöfull er ég jákvæð! Já bara lífið er skemmtilegra núna!

Dagar 9,10,11,12..

Ég er ekki að standa mig á þessu bloggi, enda hundleiðinlegt að skrifa svona matardagbók..

Ekkert Mál fyrir Jón Pál..

Það er ekkert mál að hætta hveiti og sykri, hélt þetta yrði erfiðara verð ég að segja, fyndið hvað maður miklar hluti fyrir sér áður en maður prufar þá.

Á 1 maí var ég í bænum og vildi brunch, sleppti bara beikoni, pönnsum og brauði og fékk meiri ost (Bríe), egg og grænmeti í staðinn, ekkert mál og afsláttur af matnum í þokkabót.

Fór líka í barnaafmæli og var að setja vatnsmelónu og jarðaber á diskinn minn þegar húsfreyjan kemur aðvífandi með sykur-og hveitilausa köku, já venjulegt fólk er bara farið að baka franskar súkkulaði hollustukökur!! Sjúklega góð með þeyttum rjóma!

Ég fór svo í tilraunastarfsemi á föstudag að gera kókoskúlur, þær voru reyndar ekkert spes því það vantaði meiri sætu (döðlurnar búnar), en þær kláruðust nú samt..

Sykurinn orðinn of sætur!

Ég hef heyrt að eftir smá tíma finnst manni sykurinn of sætur þegar maður leyfir sér hann, ég vissi ekki að það væri svoleiðis eftir einungis 2 vikur!!

Ég er ekki með nammidaginn á heilanum, mig dagdreymir ekki um bragðaref og snickers, ég er ekki með sykurþörf á kvöldin, er bara sátt með vatn og stundum popp ef það er kósýkvöld.

Kærastinn var svo elskulegur að kaupa handa mér Stevíu-gos á föstudag, en verra gos hef ég ekki smakkað, þessi stevía er þúsund sinnum sætari en sykur og mér fannst þetta ógeðslegt,  fékk mér líka gin í tónik á laugardag og fannst tónikið of sætt!?? Það er ljúft að finna sykurfíkilinn í sér bara visna og deyja ;)

Á laugardagskvöld fórum við kærustuparið út að borða á Snaps, ég ákvað að taka bara „nammidaginn“ þá og fékk mér franskar með hvítlaukslegna kræklingnum  (bestu frasnkar í bænum eru á Snaps!!) og Créme Brúlee í eftirrétt. Það þýddi samt ekki að ég gat ekki leyft mér neitt á sunnudeginum því Gló er með hveiti-og sykurlausar kökur, fór þangað í kvöldkaffi og fékk súkkulaði brownie, mér fannst hún eiginlega bara of sæt og gat ekki klárað hana..

Ég fór á viktina eftir 10 daga sykur-hveitleysi og var búin að missa 2 kg, án þess að leggja neitt á mig, með þessu áframhaldi verð ég „horfin“ eftir sumarið.. ;)

Ég er að fíla Reebok, fór í skemmtilegan tíma á laugardag sem heitir Buttlift, bara passlega erfiður, en í dag er ég eins og álka, get ekki gengið fyrir harðsperrum, þarf klárlega að fara aftur í næsta tíma, þetta er að virka!

Dagur 8- Gönguskokk..

Dagur 8-  Gönguskokk..

Jæja ég er svakalega seinheppin þegar kemur að því að fara í ræktina. Án gríns þá bilaði bíllinn í dag!
Það er ekki séns að ég nenni að nota almenningssamgöngur úr 101 í Holtagarða svo ég varð að gera eitthvað annað.

Ég þurfti að skila vinkonu kjól sem hún lánaði mér og hún býr í Skerjafirði svo ég ákvað að skella mér bara til hennar og hljóp/gekk 4,5 km með yngri soninn í kerru!! (ekki hlaupakerru, bara venjuleg með einu lélegu dekki)

Svo bætti ég 1,5 km við þegar ég gekk/skokkaði á foreldrafund í Austurbæjarskóla.

Alls 6 km!

 og ekkert leiðinlegt, bara falleg og skemmtileg leið og sonurinn samkjaftaði ekki allan tímann, held ég hafi fengið 10.000 "Afhverju" spurningar á leiðinni.

(Ferðalagið var alls 7,4 km en ég stökk upp í strætó frá Þorragötu til BSÍ sem er 1,4 km.)

Þetta er allt nákvæmt mælt með Google Maps ;), elska nútíma tækni!

Hér má sjá leiðina.

Ég var svaka dugleg í matnum líka:

Matardagbók:
Morgun Vatnsrútínan og svo Chiagrautur með bláberjum
Millimál, lúka af döðlum og hnetum, vatn og Kaffibolli
Hádegi: Saffran salat með kebab kjöti, vatn, Kaffibolli
Kaffi: Lúka af hnetum og rúsínum
Kvöldmatur: Mexíkósúpa
vatn, vatn, vatn

Æfing: 6 km gönguskokk, 4 ferðir upp og niður stiga á 4 hæð og yogateygjur á baðherberginu.

Ég er orðin svo klikkuð að ég geri hnébeygjur á meðan ég bursta tennur til að nýta tímann, eitthvað er þetta orðinn vani hjá mér og ég stóð sjálfa mig að því að gera hnébeygjur fyrir framan kaffivélina í vinnunni á meðan kaffið lak í bollann, fattaði svo allt í einu að ég væri á almannafæri og að athæfi mitt væri pínu skrítið..

Dagar 5,6 og 7..

Skamm! 

(ég er að skamma mig með vísifingri á lofti)

Ég ber fyrir mér að ég var að ferma og er löglega afsökuð að skrifa ekki, en ég klúðraði matardagbók líka sem er alveg bannað. Mér til málsbótar þá svindlaði ég ekki. (nema tvo munnbita af fermingarköku í gær)

Á brjálæðislega busy laugardegi sem fullur var af undirbúningi, salar-uppröðun og skreytingu þar sem allir aðrir voru að borða bakarísmat, nammi og pítsu þá var ég samt algjörlega að halda mér við mitt og át ávexti, möndlur og rúsínur, fékk mér Hámark í kaffinu og eldaði mér Lax með sætkartöflum og Edamame baunum um kvöldið meðan aðrir fjölskyldumeðlimir slöfruðu í sig pizzu og ís.

Og já drakk bara vatn, mikið af því ;)

Mjög svo ljúffengur lax á korteri: (fyrir einn)

200 gr ferskur Lax 

20 Edamame baunir (fæst frosið í Bónus)

10-12 Sætkartöflu franskar (fæst frosið í Bónus)

Slatta af Chillibitum (fæst frosið í Bónus)

Lime-Sítrónupipar 

olía

Sætkartöflu-franskar fóru í ofnin með olíu og saltflögum og voru í 15 mín.

Á meðan skellti ég olíu og chillibitum á pönnu á meðalhita.

Kryddaði Laxinn með Lime- og Sítrónupipar og smá chilli og setti á pönnuna með roðið niður í 7 mín og hina hliðina í 7 mín.

Á hinn helming pönnunar hafði ég aðeins mera af chillibitum og steikti afþýddar Edamame baunir þar í 5 mínútur, stráði saltflögum yfir eftirá. (afþýðing tók 1 mínútu í örbylgju, fljótlega leiðin)

Voilá!, brjálæðislega holl og saðsöm máltíð á no-time.

Matardagbókin:

Dagur 5-Laugardagur, stóð við matarplan, fór í sund, lyfti borðum, stólum og allskonar.

Dagur 6- Sunnudagur og "Nammidagur" þar sem ég fékk mér mestmegnis hollan mat enda Mexíkósúpa í boði í fermingunni með nachos og sýrðum (ég sleppti brauði og brauðrétt) en fékk mér að sjálsögðu fermingarköku, kransakökubita og Kókglas. 

Dagur 7 -Mánudagur

Morgun- Rúg-hrökkbrauð með osti, appelsínusafi og kaffi

Hádegi, salat (Jöklasalat, paprika, gúrka, cashew, púrrulaukur) með 2 eggjum og vatn

Kaffi: ein lúka af möndlum og rúsínum

Kvöldmatur: Afgangs mexíkósúpa, nachos og sýrður út í, smá bita af brauðrétt þar sem ég ýtti brauðinu frá, svo það var sveppir, papríka, laukur og ostur

Svindl!: Tveir munnbitar a fermingarköku (sem ég var að klára af disk sonarins, bannað að henda..hmm)

Átti líka að fara í ræktina en var svo ógeðslega þreytt eftir fermingarvesenið og illt í fótunum eftir hælaskóna sem ég var í allan sunnudaginn að ég komst ekki upp úr sófanum eftir vinnudaginn.

Dagur 4- Strætódólgur, slysó og réttur gyðjanna!

Þessi dagur byrjaði mjög furðulega þar sem ungur maður kom inn í strætó alveg brjálaður út í bílstjórann sem hann kallaði öllum illum nöfnum og endaði á að lemja í öxlina!!

Í vinnunni var líka uppi fótur og fit og á krísufundi nærri leið yfir samstarfsmann sem ég skutlaði á slysó. (Ekki út af krísunni samt, ekki svo mikið drama ) Biðin þar er alltaf löng og eftir hana reyndi ég að gera eitthvað gagn i aðstoð við að fylla nýja verslun af vörum. Þurfti frá að hverfa þó varla sæji högg á vatni, veit samt að duglega samstarfsfólkið mun massa þetta fyrir opnun á morgun.
 En einhvernveginn náði ég nú samt að redda ýmsu fyrir ferminguna og elda hollan mat, sit nú á meltunni og safna kröftum fyrir næstu lotu.
Hrós dagsins á 10 ára stjúpdóttir mín sem tók til og vaskaði upp til að gleðja okkur foreldrana sem það svo sannarlega gerði.

Nigella's squid and prawns with chilli and marjoram

Ég fæ soldið æði fyrir réttum og elda nú þennan vikulega, hann er svo sjúklega góður, ég kaupi 2kg poka af smokkfiski og risarækjum í Kolaportinu og á frosið brytjað chilli og kryddjurtir til taks. 10-15 mínútna eldunartími og brjálæðislega gott.

Sjá uppskrift hér

Ingredients

• 3 tbsp olive oil
• 1 red chilli, seeds removed and finely chopped
• 1 unwaxed lemon, zest and juice only
• 1 garlic clove
• small bunch parsley, leaves only, finely chopped
• 2 tbsp finely chopped marjoram leaves
• 350g/12oz prepared squid (defrosted if frozen), sliced into rings
• 20 raw peeled king prawns (defrosted if frozen)
• 1 tsp sea salt flakes or ½ tsp fine salt

Preparation method

1. Warm the oil in a wok or similarly wide, capacious pan, then add the chopped chilli (with seeds if you like it fiery) and lemon zest, turning them as they sizzle in the hot oil - this is a moment of fragrant joy.
2. Now grate the garlic and add it, along with about a third of the chopped parsley and marjoram and give a quick stir, before tumbling in the prepared squid and prawns. Stir-fry in the pan for 2-3 minutes, or until the seafood is just cooked through.
3. Add the juice of half the lemon and most of the remaining herbs and cook, stirring, for another 30 seconds or so. Taste to see if you need any salt or more lemon juice, before turning the seafood fritti out onto a warm platter and scattering it with the last remaining bits of chopped parsley and marjoram.

Mmmmmm...

Nenni ekki að setja inn matardagbók, hef nóg annað að gera, en ég svindlaði ekki. Chia grautur með banana, tríótrópí, lax með rótargrænmeti og mangosalsa, vatn, hnetur, espresso, hleðsla og Nigellu réttur gyðjanna ;)

Dagur 3- Sumardagurinn fyrsti

Gleðilegt sumar!!

Ég er búin að vera á fullu í dag að hringja, stússast, gera og græja fyrir fermingu frumburðarins sem er um helgina en náði nú samt að hitta fjölskylduna og borða með tengdó líka.
Ekkert mál að sleppa óhollustunni.

Dagur 3- Matardagbók
Morgun: Boozt með hreinu skyri, léttmjólk, 3 ferskum jarðaberjum, banana og frosnum bláberjum (náði ekki morgunrútínunni með vatnsglösin því ég kúrði til kl 10 og var þá svo hrikalega svöng að ég fór beint í booztið)
Kaffibolli
Hádegi: Tvö glútenlaus hrökkbrauð, annað með túnfisksalati og hitt með osti
Kaffitími: Kaffibolli og létt popp með vatni
Kvöldmatur: Lambalæri með Bernaise, lítil bökuð kartefla og grænar baunir, 1/4 rauðvínsglas (fékk mér bara hóflega og einu sinni á diskinn þó mig langaði mest að taka bernaise sósuna sem kallinn eldaði og slafra henni í mig með skeið!!)
Vatn

Harðsperrur eru hættulegar!

Æfing..... nei ég fékk mér frí, það sannaðist í gær þegar ég gleymdi símanum úti í bíl eftir æfingu og gat ekki hugsað mér að fara út aftur að ná í hann og þurfa svo að klífa það fjall sem 4 hæðir af stigum er að ég fór mér kanski aðeins og geyst að taka á því 2 daga í röð í ræktinni svona algjörlega í byrjun.
(En í dag gekk ég samt umþ. 2 km og upp og niður ansi marga stiga sem var vont..)